საგარანტიო მომსახურების პირობები:
საგარანტიო მომსახურება - შპს „ბრენდ არ“ - ის მიერ გაყიდვის შემდგომი დაზიანებული პროდუქტის, კერძოდ სანათების და შუქდიოდური (LED) ნათურების უსასყიდლო შეკეთება ან შეცვლა.
გარანტიის პერიოდი - 02 (ორი) წელი პროდუქციის შეძენის დღიდან.
გარანტიით სარგებლობის წესები:
- საგარანტიო მომსახურებით სარგებლობისათვის მომხმარებელი ვალდებულია წარმოადგინოს საგარანტიო ტალონით გათვალისწინებული პროდუქციის შეძენის დამადასტურებელი დოკუმენტი - სალაროს საკონტროლო აპარატის ჩეკი ან სასაქონლო ზედნადები.
- მომხარებელი საგარანტიო მომსახურებით სარგებლობისათვის ვალდებულია წარმოადგინოს წინამდებარე საგარანტიო ტალონი
საგარანტიო ვალდებულებები:
- შეძენილი ნივთის მიღებისთანავე შეამოწმეთ მისი ვიზუალური მდგომარეობა ბრენდ არის წარმომადგენლის თანდასწრებით, თუ ნივთს დაუფიქსირდება ვიზუალური დეფექტი იგი შეიცვლება კომპანიის მიერ დადგენილი წესის შესაბამისად.
- ქარხნული წუნის შემთხვევაში პროდუქცია გამოცვლას ექვემდებარება რეალიზაციის დღიდან 05 (ხუთი) კალენდარული დღის განმავლობაში. ამ ვადის გასვლის შემდგომ მყიდველს უფლება აქვს მოითხოვოს მხოლოდ შეძენილი პროდუქციის შეკეთება.
- იმ შემთხვევაში თუ გამყიდველი ვერ უზრუნველყოფს დაზიანებული პროდუქციის შეკეთებას მისი მიღების დღიდან 30 (ოცდაათი) კალენდარული დღის განმავლობაში, ასეთი ნივთი შეიცვლება კომპანიის მიერ დადგენილი წესით იმავე სახის ან იმავე ღირებულების ახალი პროდუქციით.
- საგარანტიო მომსახურების გაწევა ხორციელდება გამყიდველის სერვის ცენტრში შემდგომ მისამართზე: კოსმონავტების სანაპირო #23, მაღაზია #49
კომპანიის პასუხისმგებლობისგან გათავისუფლება:
საგარანტიო მომსახურება არ ხორციელდება თუ:
- გასულია საგარანტიო ვადა
- საგარანტიო ტალონში მითითებული მონაცემები შეცვლილია, გადაკეთებულია ან წაშლილია
- სანათს, შუქდიოდურ (LED) ნათურებს აღენიშნებათ ვიზუალური დაზიანება
- თუ დაზიანება გამოწვეულია არა მწარმოებლის წუნით, არამედ მისი არასწორი გამოყენებით და ექსპლოატაციის წესების დარღვევით
- დაზიანება გამოწვეულია მომხმარებლის ელექტონული ქსელის გაუმართაობით (ძაბვის ცვლილება).
- თუ დაზიანება გამოწვეულია მექანიზმის დანესტიანებით, კოროზიით, მაღალი და დაბალი ტემპერატურის ზემოქმედებით
- დაზიანება გამოწვეულია არასათანადო მონტაჟის მეშვეობით
- დაზიანება გამოწვეულია საექსპლუატაციო პირობების დარღვევით, როგორიც არის ნივთის უწყვეტად ჩართულ მდგომარეობაში ყოფნა 14-20 საათის განმავლობაში
- გამყიდველი ორგანიზაციის ან მის მიერ ავტორიზებული სხვა სერვის ცენტრში/მაღაზიაში მიმართვის გარეშე ჩატარებული სამუშაოების შემთხვევაში. (მექანიკური დაზიანება, ქიმიური ნივთიერებების ზემოქმედება, პროდუქტის თვითნებური რემონტი ან მისი გადაკეთება).
გარანტია არ ვრცელდება:
- დიოდურ ლენტებზე